Fövqəladə Hallar Nazirliyinin məlumatına görə, Astara rayonu Kijəbə qəsəbəsində torpaq sürüşməsi baş verib. Nazirliyin Cənub Regional Mərkəzinin əməkdaşları hadisə yerinə cəlb edilib. Hadisə yerində əməliyyat şəraiti qiymətləndirilərkən məlum olub ki, qeyd edilən ərazidə uzunluğu təqribən 180 m, eni 100 m olan sahədə torpaq sürüşməsi olub. Nəticədə, sürüşmə ərazisidə olan 3 fərdi yaşayış evi qəza vəziyyətinə düşüb. Hazırda iki yaşayış evinin sakinləri digər yerlərdə məskunlaşıb, digər evin sakinləri isə evin təhlükəli vəziyyətdə olması barədə məlumatlandırılıb.
Modern.az