“Muğanbank” ASC-nin baş ofisində dekabrın 15-də adsız istiqrazların sayca iyirmi beşinci tirajı keçiriləcək. “Muğanbank”ın marketing departamentindən
Modern.az-a bildirilib ki, tirajın gedişi online rejimdə “Muğanbank” ASC-nin
www.muganbank.az saytında canlı yayımlanacaq.
Uduşa düşən istiqrazların nömrələri ilə “Xalq qəzeti”nin tirajdan sonrakı növb
əti buraxılışında, həmçinin, bankın rəsmi saytında tanış ola bilərsiniz. Xatırladaq ki, nominalı 50 manat olan adsız istiqrazlar emitent tərəfindən on il müddətinə, 1 mln ədəd buraxılıb. Hər tirajda uduşlu istiqrazların sayı 1200 ədəd təşkil edir. Maksimum uduş məbləği 50 000 manatdır. “Muğanbank” ASC-nin öhdəliklərinə əsasən 10 il müddətində 45 gündən bir olmaqla 80 tiraj keçiriləcək.
İstiqraz sahiblərinə hər bir tiraj barədə məlumat veriləcək və onlar bankın Ə.Rəcəbli küç. 21B ünvanında yerləşən baş ofisinə gələrək hər bir tirajda iştirak etmək hüququ var. Hazırkı məhsulun uduş faizi kifayət qədər yüksəkdir, habelə hər bir istiqraz sahibinə illik 2% gəlir təmin edilir. İstiqraz sahibləri istiqrazlarını istənilən vaxt banka qaytarmaq imkanına malikdirlər. İstiqraz qaytarılarkən nominal məbləğinin üzərinə yuxarıda göstərilən illik faiz əlavə olunur. İstiqrazlar hər zaman real pullar deməkdir!