Rusiyanın Ukraynaya müdaxiləsi bütün Avropa üçün fəlakətə çevriləcək.
Modern.az xəbər verir ki, bunu Ukraynanın müdafiə naziri Aleksey Reznikov BBC-yə müsahibəsində deyib.
“Çox qan olacaq, qaçqınlar olacaq. Bu, Avropa üçün fəlakət olacaq. Axı bu müharibə təkcə Ukraynanın şərqində baş vermir. O, Avropanın şərqinə doğru irəliləyir... Bəli, bu, təkcə Ukrayna üçün deyil, Avropa üçün də fəlakət olacaq, çünki Ukrayna ilə Polşa sərhədində və ya, bəlkə də, Almaniya və Polşa sərhədində bir neçə milyon miqrant və ya qaçqın olacaq. Mən bunu tamamilə ciddi deyirəm”, - müdafiə naziri bildirib.
