Bakıda 65 nömrəli marşrut üzrə hərəkət edən avtobusda tüstülənmə olub.
Bakı Nəqliyyat Agentliyindən Modern.az-a bildirilib ki, hadisə Yasamal rayonu, Zivərbəy Əhmədbəyov küçəsində qeydə alınıb.
İlkin məlumata görə, "Faiqoğlu MMC"-yə məxsus 10 TH 305 dövlət qeydiyyat nişanlı avtobusun mühərrik hissəsində tüstülənmə olub. Sürücüsü dərhal yanğınsöndürən balonla hadisənin qarşısını alıb.
Avtobusda olan sərnişinlər təxliyə olunub, xəsarət alan yoxdur.
