“Əsgər Ölümlərinə Son!” aksiyasında saxlanılan gənclərə dəstək olmaq üçün Facebook sosial şəbəkəsində səhifə yaradıblar. Modern.az-ın məlumatına görə, gənclər təklif ediblər ki, aksiyada həbs olunmuş gənclərin cəriməsini ödəmək üçün hamıdan 5 qəpik yığıb məhkəməyə aparıb versinlər.
“Hamıdan 5 qəpik yığıb məhkəməyə aparıb vermək, bunları çəkmək və yaymaq əslində bu prosesə daha çox adamın cəlb olunmasını təmin edə bilər”-deyə səhifənin adminləri qeyd ediblər.
Eyni zamanda bildirilir ki, cərimə dövlətə 5 qəpikliklərlə ödəniləcək.
Qeyd edək ki, əsgər ölümü ilə bağlı yanvarın 12-də Bakıda keçirilən aksiyada saxlanılan şəxslər cərimələnərək sərbəst buraxılıblar. Aksiya iştirakçıları yeni qanunla 400-600 manat cərimələniblər.
Sevinc
