Nəqliyatı İntellektual İdarəetmə Mərkəzi dekabr ayı ərzində Bakı şəhərinin əsas küçə və prospektlərində nəqliyyat vasitələrinin sayı və orta sürəti üzrə statistik göstəricilərini təqdim edib. Mərkəzdən Modern.az-a bildirlib ki, göstəricilər əsasən paytaxtın əsas küçə və prospektlərini əhatə edib. Belə ki, Üzeyir Hacıbəyov prospektində ay ərzində 1773297 nəqliyyat vasitəsi qeydə alınıb və orta sürət 41 km/s təşkil edib. A.M. Şərifzadənin küçəsinin cənub istiqamətində 530891 nəqliyyat vasitəsi qeydə alınıb və orta sürət 44 km/s təşkil edib, şimal istiqamətində isə 754056 və orta sürət 48 km/s təşkil etmişdir.
Nəqliyyatı İntellektual İdarəetmə Mərkəzi aşağıda digər küçə və prospektlərin statistik göstəricilərini təqdim edir: H.Əliyev pr. - əsas yolun şərq istiqamətində 1021739 nəqliyyat vasitəsi qeydə alınıb və orta sürət 69 km/s təşkil edib. Qərb istiqamətində 1370410, orta sürət isə 61 km/s təşkil edib. Prospektin kənar yolunun şərq istiqamətində 1443632 nəqliyyat vasitəsi qeydə alınıb və orta sürət 54 km/s təşkil edib. Kənar yolun qərb istiqamətində 1412599, orta sürət isə 53 km/s təşkil edib.
Nobel pr. şərq istiqamətində 1072308 nəqliyyat vasitəsi qeydə alınıb və orta sürət 65 km/s təşkil edib. Qərb istiqamətində isə 1185371 nəqliyyat vasitəsi qeydə alınıb və orta sürət 69 km/s təşkil edib.
Babək pr. şərq istiqamətində 1162893 nəqliyyat vasitəsi qeydə alınıb və orta sürət 54 km/s təşkil edib. Qərb istiqamətində isə 1162469 nəqliyyat vasitəsi və orta sürət 54 km/s təşkil edib.
İnşaatçılar küç. cənub istiqamətində 1103883 nəqliyyat vasitəsi qeydə alınıb və orta sürət49 km/s təşkil edib. Şimal istiqamətində isə 1058559, orta sürət isə 44 km/s təşkil edib.
Atatürk pr. cənub istiqamətində 1226839 nəqliyyat vasitəsi qeydə alınıb və orta sürət 45 km/s təşkil edib. Şimal istiqamətində 984140, orta sürət isə 44 km/s təşkil edib.
Qara Qarayev pr. cənub istiqamətində 546803 nəqliyyat vasitəsi qeydə alınıb və orta sürət 48 km/s təşkil edib. Şimal istiqamətində 727257, orta sürət isə 49 km/s təşkil edib.
Zərifə Əliyeva pr. 1647768 nəqliyyat vasitəsi qeydə alınıb və orta sürət 40 km/s təşkil edib. Azərbaycan küç. isə 773535, orta sürət isə 37 km/s təşkil edib.
Qeyd edək ki, digər küçə və prospektlərdəki statistik göstəriciləri həmçinin, Nəqliyyatı İntellektual İdarəetmə Mərkəzinin -
www.niim.az rəsmi internet səhifəsindən əldə etmək mümkündür. Nəqliyyatı İntellektual İdarəetmə Mərkəzi 2009-cu ilin aprelindən tikintisinə başlanıb və 2011-ci ilin sonundan etibarən fəaliyyət göstərir. Mərkəzin əsas məqsədi ölkə yollarında nəqliyyatın hərəkətinin tənzimlənməsi və problemlərin aradan qaldırılmasıdır.
Modern.az
