Yaxın vaxtlarda Türkiyə Respublikasının qurucusu böyük Mustafa Kamal Atatürkün həyatından bəhs edən “Vida” filmi ekranlara çıxacaq. Modern.az türk mətbuatına istinadən xəbər verir ki, əsər ekranlara çıxmamış qızğın mübahisələrə səbəb olub. Atatürkün həyatının ayrı-ayrı səhifələrinə aid epizodlara münasibət birmənalı deyil.
Atatürkün mənəvi qızı Ülkü Adatepe isə Zülfü Livanelinin ssenarisi əsasında çəkilən “Vida” filmini çox bəyəndiyini açıqlayıb. Filmi gözyaşları içində izləyən Adatepe Zülfü Livanelliyə minnətdarılq edib. “Zülfü gerçək Mustafanı göstərdi, çox təşəkkürlər edirəm”, - Adatepe bildirib.
Qeyd edək ki, Livanellidən əvvəl Atatürk mövzusuna Can Dindar müraciət edib. Adatepe isə onun çəkdiyi filmi bəyənmədiyini və ilk olaraq tənqid etdiyini deyib.
