Rusiya tərəfi tədarüklərin sayı və onların qiyməti daxil olmaqla, qaz müqavilələri üzrə bütün öhdəliklərə sadiq qalır.
Modern.az xəbər verir ki, bu barədə Rusiya prezidentinin mətbuat katibi Dmitri Peskov bu gün jurnalistlərə açıqlamasında bildirib.
O qeyd edib ki, Rusiya qazının rublla ödəniş mexanizmi artıq hazırdır, bu yaxınlarda ictimaiyyətə təqdim olunacaq.
Xatırladaq ki, bundan əvvəl dövlət başçısı Vladimir Putin hökumətə ödəniş prosedurunda müvafiq dəyişiklikləri martın 31-dək hazırlamağı tapşırıb.
