Azərbaycan Respublikası Müdafiə Nazirliyinin mətbuat xidməti Şəmkir rayonu ərazisində hərbi təyyarənin qəzaya uğraması barədə məlumat yayıb. Məlumatda bildirlir ki, martın 3-də saat 17.00 radələrində planlaşdırılmış təlim uçuşu zamanı SU-25 hərbi təyyarəsi qəzaya uğrayıb. Məlumata görə, təyyarənin pilotu Famil Elman oğlu Məmmədli qəza nəticəsində həlak olub. Hadisənin səbəbini Müdafiə Nazirliyi və Hərbi Prokurorluq tərəfindən yaradılmış birgə komissiya araşdırır.
Modern.az