Moskva şəhər Məhkəməsi Rusiya, Azərbaycan və Tacikistan vətəndaşlarından ibarət mütəşəkkil cinayətkar şəbəkənin işini araşdırır. Modern.az Rusiya mətbuatına istinadən xəbər verir ki, Rusiya baş prokurorunun müavini Vladimir Malinovski dəstənin 10 üzvünə qarşı yekun ittihamnaməni təsdiqləyib. Şəbəkə qanunsuz bank əməliyyatlarının həyata keçirilməsində və silah-sursat saxlamaqda ittiham olunurlar. Dəstənin təşkilatçıları Rövşən və Elşad Hacıyev qardaşları barədə beynəlxalq axtarış elan olunub. Rusiya Baş Prokurorluğunun məlumatında qeyd olunur ki, şəbəkə 2007-2008-ci illər ərzində 93 milyon rubl mənimsəyib. Qanunsuz pul dövriyyəsinin həcmi isə 15 milyard dollar təşkil edib.