Erməni millətçilərinin nəşri olan “AGOS” qəzetinin Türk Hava Yollarının səfərlərində pulsuz paylanılması türk xalqının etirazına səbəb olub.
Modern.az saytı Türkiyə mətbuatına istinadən bildirir ki, “AGOS” türk xalqına qarşı düşmənlilik mövqeyi olan və erməni millətçiliyinüi müdafiə edən qəzetdir.
İstanbul Atatürk hava limanın xarici əlaqələr terminalında Türk Hava Yollarının öz sərnişinlərinə pulsuz verdiyi qəzetlər siyahısında bu həftədən etibarən “AGOS” da yer alıb. Məlumata görə Türk Hava Yolları ilə qəzet arasında əməkdaşlıq qarşıdakı aylarda daxili səfərləri də əhatə edəcək. Qəzetin nəşri, paylanılması və reklam xərclərini Türk Hava Yolları öz üzərinə götürüb.
Aytən Əliyeva
