Azərbaycanlı alpinist, Azərbaycan Alpinizm Federasiyasının (AAF) üzvü Rüfət Qocayev Avropanın ən yüksək zirvəsini fəth edib. AAF mətbuat xidmətindən Modern.az-a verilən məlumata görə, bu gün Bakı vaxtı ilə saat 13:15-də Rüfət Qocayev və iki ukraynalı alpinist ardıcıl olaraq müvəffəqiyyətlə Elbrusun hər iki zirvəsinə qalxıblar.
R.Qocayev telefonla bildirib ki, səhər 8:30 radələrində onlar Elbrusun qərb zirvəsini (5642m) fəth ediblər. 5300 metr hündürlüyündəki dağ çökəyinə enəndən sonra, Rüfət və yoldaşları
şərq zirvəsini fəth etmək üçün hərəkətə başlayıblar və 11:00-da bu zirvəni də fəth etməyə müvəffəq olublar (5621m).
Ekspedisiyanın qalan iştirakçılar isə yalnız qərb zirvəsinin ikibaşlı dağına qalxmaqla kifayətləniblər.
Hazırda alpinistlər dağdan enişi yerinə yetirirlər.
Modern.az