Milli Məclisin növbəti plenar iclasının vaxtı açıqlanıb. Modern.az-ın məlumatına görə, parlamentin bu gün keçirilən iclasında çıxış edən spiker Oqtay Əsədov növbəti iclasın mart ayının 15-də keçiriləcəyini bəyan edib.
Milli Məclisin martın 15-nə təyin olunan iclasında hökumətin hesabatı dinləniləcək.
Qeyd edək ki, Milli Məclisin (MM) daxili nizamnaməsinə görə, hər il parlamentin yaz sessiyasının 5-ci iclasından (mart ayı) gec olmayaraq hökumətin son bir illik fəaliyyəti ilə bağlı dinləmələr keçirilir və hökumət adından Baş nazir parlamentarilər qarşısında hesabat verir.
Parlamentdə hökumətin 2012-ci ilin yekunlarına dair hesabat məruzəsinin Baş nazir Artur Rasizadənin edəcəyi gözlənilir.
Modern.az
