“Azərbaycandakı sionist media İranda yaşayan müxtəlif etnik tayfalar arasında ixtilaf yaratmaq məqsədilə özlərini “Traktorsazi”nin hüquqlarının müdafiəçiləri kimi göstərməyə çalışırlar. Halbuki təbrizlilər və azəridillilər bütün həmvətənlərini sevirlər və bu duyğu İranda qarşılıqlıdır”.
Modern.az-ın İran mətbuatına istinadən verdiyi xəbərə görə bu sözləri Təbriz əhalisinin nümayəndəsi və “Traktorsazi” futbol klubunun idarə heyətinin üzvü Məhəmməd İsmayıl Səidi deyib. O, Azərbaycanda fəaliyyət göstərən və İrana qarşı təbliğat aparan media orqanlarını sionistlikdə ittiham edib. Bununla bağlı Azərbaycanın İrandakı səfirinin İranın Xarici İşlər Nazirliyinə çağırılmasını da istəyib.
