Qardaş Türkiyədə koronavirusla bağlı son məlumatlar açıqlanıb.
Modern.az Türkiyə KİV-lərinə istinadən xəbər verir ki, ölkənin səhiyyə naziri Fahrettin Koca koronavirusla bağlı vəziyyətin müsbətə doğru dəyişdiyini bildirib.
Nazir qeyd edib ki, son iki həftədə koronavirus xəstələrinin sayı 3 dəfədən çox artsa da, xəstəxanadakı xəstələrin sayı azalır: “Pis günlər geridə qaldı. Gələcəkdə bunun təkrarlanmasını düşünmək düzgün deyil".
Qeyd edək ki, Türkiyədə koronavirusla bağlı statistika həftəlik açıqlanır. 13-19 iyunda açıqlanan statistikaya əsasən, ölkədə 10 954 nəfər COVID-19-a yoluxub, virusa yoluxan 19 nəfər vəfat edib. İndiyədək ölkədə 15 096 696 nəfər koronavirusa yoluxub, test nəticələri müsbət çıxan 99 015 nəfər virusun qurbanı olub.
