“Ehtiyatda və İstefada olan Zabitlər” İctimai Birliyi martın 9-da müdafiə naziri Səfər Əbiyevin evi qarşısında keçirmək istədiyi aksiyanı təxirə salıb. Modern.az xəbər verir ki, İctimai Birliyin aksiyanı təxirə salmasına səbəb Bakı Şəhər İcra Hakimiyyətinin (BŞİH) piketin keçirilməsinə icazə verməməsi olub.
“Ehtiyatda və İstefada olan Zabitlər” İctimai Birliyinin sədri Yaşar Cəfərli bildirib ki, onlar razılaşdırılmamış aksiyaya getməklə qanunu pozmaq istəməyiblər.
“Ehtiyatda və İstefada olan Zabitlər” İctimai Birliyi martın 9-da Ədliyyə Nazirliyinin binası və Səfər Əbiyevin evi qarşısında hərbi qulluqçuların hüquqlarının bərpası ilə bağlı məhkəmə qərarlarının icra olunmamasına etiraz məqsədilə aksiya keçirmək istəyirdi. Aksiya bu gün saat 15.00-da Ədliyyə Nazirliyinin binası, saat 17.00-da isə Səfər Əbiyevin evi qarşısında keçirilməliydi.
Modern.az
