Dünyada benzinə ən çox pul xərcləyən ölkələrin siyahısı açıqlanıb. Modern.az türk mətbuatına istinadən xəbər verir ki, siyahıya əsasən aşağıda adı çəkilən ölkələrdə bir qalon, yəni 4 litr benzinə nə qədər pul xərcləndiyi açıqlanıb.
Siyahıya Türkiyə başçılıq edir. Belə ki, Türkiyədə 1 qalon benzinin qiyməti 9,98 dollardır. Bu rəqəm Norveçdə – 9,63, Hollandiyada – 9,09, Portuqaliyada – 8,82, İsveçrədə – 8,50 dollardır. Siyahının daha aşağı pillələrini isə 8,41 dollarla – Belçika, 8,38 dollarla – Fransa, 8,22 dollarla – Danimarka tutur.
Honqkonqda isə benzinə 8,38 dollar xərclənir. İngiltərədə bu məbləğ – 8,06, Slovakiyada – 7,61, Sloveniyada – 7,60, Maltada – 7,44, Macarıstanda – 7,21 dollardır.
