Modern.az saytı sizə ayrı-ayrı vaxtlarda qadağan edilmiş əsərləri təqdim edir :
"Ledi Katerleyin aşiqi" DH. Laurens Laurensin bu cəsarətli romanı qadağan olunmuş eşq əlaqəsini özündə əks etdirir. Roman İngiltərədə 1928-ci ildə nəşr edilsə də, 1960-cı ilə qədər satışına qadağa qoyuldu. Lakin sonradan məhkəmə qərarından sonra satışına icazə verildi. Kitabın üz qabığında təsvir olunan məhkəmə zalı və ordakı hakimin “ Arvadının və xidmətçinin oxumaq istədiyi kitab varmı?” sualı özünə xeyli diqqət cəlb etdi. Roman bu təsvirin və barəsində yaratdığı səs-küyün sayəsində satışa çıxdığı ilk gündə 200 min tirajla satıldı.
"Çöl Kuğular", Cung Çang Əsər hələ ki Çin ədəbiyyatının xarici ölkələrdə ən çox satılan ədəbi nümunəsi olsa da 1991-ci ildən satışı qadağan edilib. Qeyd edək ki, 13 milyon tirajla satılıb və dünyada bu tirajla satılan ikinci bir Çin romanı yoxdu. Roman ailə xatirələrindən bəhs edir. Belə ki, burda ailəsinin 3 nəslinin qadın hüquqları təsvir edilib. Həmçinin, Komunist mövqelərinə toxunmaqla , Çinin sosial həyatının qara çalarını əks edən roman indi də Çində qadağan olunmuş əsər sayılır.
"Qərb cəbhəsindən təzə heç nə yoxdur", Erix Maria Remark Birinci Dünya Müharibəsinin iştirakçısı olmuş yazarın bu romanı müharibə vəhşiliyini , insan azğınlığını özündə çox gözəl əks etdirir. Çox böyük cəsarətlə yazılan roman 1933-cü ildə alman hərbi güclərini mənfi şəkildə təsvir etdiyinə görə rəhbərlik tərəfindən qadağan edildi. Kitab I. Dünya Müharibəsini əks edən ən maraqlı əsər olmaqda davam edir.
Doktor Jivaqo ", Boris Pasternak Tarixə qərq olmuş SSRİ-də Pasternakın bu romanı 1988-ci ildə qadağan olundu. Səbəb isə bolşevik dönəmindən sonra Rusiyadakı həyatın tənqidi idi. Sovet hakimiyyəti Posternakı hətta düşmən élan etmişdi. Vətəndaşlıqdan çıxarılmaq təhlükəsi altında qalan Pasternak 1958-ci ildə Nobel mükafatından imtina etməli olur.
"Cadugər “ Frank Baum “Cadugər” romanı 1930-50-ci illərdə 20 il ərzində iki dəfə qadağan olundu. Səbəb isə öncə çox məsum humanist görünən romanın məzmununda cinlərin, pərilərin, qeyri-adi qüvvələrin dini zəmində təhlükəli sayılaraq insanlarda özgə inanca yol açma ehtimalı idi.
"1984", Corc Orwell Hazırda dünyada ən çox sevilən və satılan əsərlərədn olan “1984 “ vaxtikən dünyanın hər iki güc mərkəzində qadağan edilmişdi. Belə ki, bütün insani hüquqların əsir altında olmasını göstərən səhnələr Amerika tərəfindən kəskin tənqidlərə məruz qaldı və nəticədə ilk olaraq burada qadağan edildi. Amerika şübhələnirdi ki, bu əsərdə Sovet ideologiyası var. Amma əsərin alt qatında Sovet idarə rejimi də tənqid olunurdu. Odur ki roman çox keçmədən Sovetlərdə də qadağan edildi.
"Ana Frankın Xatirə dəftəri", Anna Frank Ana Frank gənc bir alman qızının əsir düşərgəsində keçirtdiyi günlər başına gələn hadisələri xatirə formasında romanında yazmışdır. 1952-ci ildə çap olunanadan sonra 60 – a yaxın dilə çevrildi və 30 milyona yaxın tirajla satıldı Lakin burada yəhudilərə rəğbət hissi yaradan motivlər olduğuna görə qadağan edildi.
"Şeytan ayələri “ Salman Rüşdi Həzrəti Məhəmmədin həyatından bəhs edən və İslamı tənqid edən bu əsər dünyanın ən qalmaqallı romanlarındandır. Belə ki , İranın dini lideri Ayətullah Xomeyni tərəfindən çıxarılan ölüm fitvası, həmçinin dünyanın bir çox müsəlman ölkələrində müəllifə qarşı əleydarların tolanması dünya çapında böyük ajiotaj yaratdı. İngiltərədə bu kitabın saxlandığı kitabxana bombalandı. Əsərin yapon tərcüməçisinin öldürülməsi isə daha böuük səs-küyə səbəb oldu. Hər şey bununla da bitmədi. Daha sonra İtalyan tərcüməçisi bıçaqlandı, Norveçli naşiri isə silahlı hücuma məruz qaldı.
"Lolita", Vladimir Nabokov 1955-ci ildə çap edilən roman hazırda dünyanın ən yaxşı əsərləri sırasındadır. Lakin nəşr olunduğu ilk illərdə bir çox ölkələrdə qadağan edilmişdi. İngiltərə Daxili İşlər Naziri və İngiltərə Gömrük İdarəsi romanın ölkəyə buraxılmasını qadağa qoymuşdu. Romanı nəşriyyatında çap edən Nigel Nikolson ölkənin gözündən düşən adama çevrildi.
Elmin Nuri
