Mərkəzi Seçki Komissiyası (MSK) mətbuatla əlaqələrin daha yaxşı həyata keçirilməsi ilə əlaqədar işçi qrupu yaradır.
Modern.az xəbər verir ki, bununla bağlı Mərkəzi Seçki Komissiyasının bu gün keçirilən iclasında qurumun sədr müavini Rövzət Qasımov təklif səsləndirib.
Sədr müavini kommunikasiya məsələlərinin həlli ilə bağlı yeni strukturun yaradılmasının lazım olduğunu söyləyib.
O, həmçinin bildirib ki, komissiyanın 35 minə yaxın işçisi var və onların idarə olunmasının asanlaşdırılması məqsədilə yeni strukturun yaradılmasına ehtiyac var.
