İran İslam Şurası Məclisinin Milli Təhlükəsizlik və Xarici Siyasət Komissiyasının vitse-prezidenti Mənsur Həqiqətpur YAP icra katibinin müavini, Milli Məclisin deputatı Siyavuş Novruzova göndərdiyi növbəti cavab məktubunda eyni zamanda AzTV-dən canlı efirə çıxmaq istədiyini də dilə gətirmişdi. O məktubunda bu istəyini “Qarabağ həqiqətlərini bəyan etməyə” hazır olması ilə əlaqələndirmişdi. “Qarabağ barədə çoxlu deyilməmiş sirlərim vardır ki, tədricən və zamanın istəyinə uyğun olaraq onlardan danışacağam”.
Məsələ ilə bağlı Modern.az-ın əməkdaşı AzTV-nin mövqeyini öyrənməyə çalışsa da, telekanal rəsmiləri buna münasibət bildirməkdən imtina ediblər.