Ədalət Partiyasının sədri, Milli Məclisin deputatı İlyas İsmayılov Novruz bayramının davam etdiyi günlərdə 106 saylı Seçki Dairəsinin əhatə etdiyi Qazax rayonunun Çaylı kəndində seçicilərinin bir qrupu ilə görüşüb. Partiyanın mətbuat xidmətindən verilən məlumata görə, görüşdə seçicilər onları narahat edən məsələlər və üzləşdikləri problemlər barədə danışıblar. Milli Məclisin üzvü seçicilərinə bayram təbriklərini çatdırıb və müxtəlif ictimai-siyasi məsələlərlə bağlı mövqeyini açıqlayandan sonar onların çoxsaylı suallarını cavablandırıb.
Modern.az