Ermənistan ordusunun 10 hərbçisi Vətən Müharibəsi zamanı öz hərbi öhdəliklərini icra etməməkdə ittiham olunur.
Modern.az xəbər verir ki, bu barədə Ermənistan İstintaq Komitəsi məlumat yayıb.
Bildirilir ki, 2020-ci il oktyabrın 18-də hərbi vəziyyət şəraitində hərbi hissələrdən birinin 2-ci atıcı batalyonu döyüş əməliyyatlarında iştirak üçün yola çıxıb. Amma batalyonun bir sıra hərbçiləri, o cümlədən, batalyon komandiri və 9 zabit hərbi öhdəliklərini icra etməkdən boyun qaçıraraq daimi dislokasiya yerinə qayıdıblar.
Faktla bağlı toplanmış materiallar məhkəməyə verilməsi üçün prokurora göndərilib.
