Demokratik Jurnalistlər Liqası Azərbaycan Respublikası Prezidenti yanında QHT-lərə Dövlət Dəstəyı Şurasının maliyyə yardımı ilə həyata keçirilən “Vətəndaş cəmiyyətinin problemləri ictimai müzakirə obyektivində” mövzusunda layihəyə start verib.
Layihənin həyata keçirilməsində məqsəd ictimai əhəmiyyət daşıyan, vətəndaş cəmiyyətini narahat edən mövzular üzrə müxtəlif ictimai müzakirələr və debatlar təşkil etməkdir. İnternet televiziyasında keçirilməsi planlaşdırılan altı ictimai müzakirə “Siyasi partiyaların büdcədən maliyyələşməsi partiyaların keyfiyyətcə yeni mərhələsidir”, “2013-cü il prezident seçkilərində vətəndaş cəmiyyətinin rolunun artırılmasında qarşıda duran vəzifələr”, “QHT-dövlət dialoqunun yeni mərhələsində gözləntilər”, “Medianın seçkilərdə rolu”, “Ölkə və millət üçün mühüm əhəmiyyət daşıyan məsələlərdə ortaq mövqedən çıxış edilməsinin vacibliyi” və “Vətəndaş cəmiyyətinin inkişafında özəl sektorun missiyası” mövzularına həsr ediləcək.