30 aprel tarixi İranda Fars körfəzi günü kimi qeyd olunur. Fars körfəzi İranın tərkib hissəsi olmaqla tarixi su yoludur. Bu gün Səfəvi hökmdarı Şah Abbasın (1587-1629) Portuqaliya hərbi qüvvələrini 1622-ci ildə Fars körfəzindən çıxarmasının ildönümüdür. 1960-cı ildən sonra hazırlanmış xəritələrin əksəriyyətində və müasir müqavilələrdə ərazinin adı Fars körfəzi kimi yazılır. İranda 2004-cü ildən bu yana Fars körfəzi günü qeyd olunur.
İran prezidenti Mahmud Əhmədinejad bu günü qeyd etmək məqsədilə Tehranın Əl-Bürc orta məktəbində keçirlimiş tədbirdə deyib:
”Fars körfəzi günü regionda dostluq və təhlükəsizliyi formalaşdırmaq üçün böyük imkandır”.