Modern.az saytının məlumatına görə, Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun (KIVDF) Müşahidə Şurasının növbəti iclası keçirilib.
Müşahidə Şurası "Milli Mətbuatın yaranmasının 138-ci il dönümü ilə əlaqədar keçiriləcək "Fərdi jurnalist yazıları” müsabiqəsi ilə bağlı məsələyə baxıb. Şura üzvləri müsabiqənin 15 istiqamət olmaqla, 45 mövzu üzrə keçirilməsini məqbul sayıblar.
Müsabiqədə ən azı son 1 il müddətində kütləvi informasiya vasitələrində (qəzet, jurnal və informasiya agentliklərində) fasiləsiz çalışan şəxslər iştirak edə bilərlər. Yazıların əqbuluna artıq start verilib. Yazıların qəbulu üçün son tarix 10 iyul 2013-cü ildir.
Müsabiqədə hər istiqamət üzrə 3 qalib, ümumi istiqamətlər üzrə 15 həvəsləndirici mükafat müəyyən ediləcək. 2 qalib yeri respublika ərazisində yayılan KİV-lərin jurnalistləri, 1 qalib yeri isə region mətbuatında çalışan jurnalistlər üçün nəzərdə tutulub.
Hər mövzu üzrə maksimum 50 bal müəyyən olunur. 30-dan aşağı bal toplayan iştirakçı qalib ola bilməz.
Müsabiqə aşağıdakı istiqamətlər üzrə elan edilib:
№ | İstiqamətin adı | Təklif olunan mövzular |
1. | Fikir, söz və məlumat azadlığının, plüralizmin inkişaf etdirilməsi | 1) Milli qanunvericilik bazasının inkişaf dinamikası və perespektivlər 2) Azad informasiya mühitində milli mətbuatın inkişaf istiqamətləri 3) Azad fikir və medianın ictimai məsuliyyəti |
2. | İnsan hüquq və azadlıqlarının müdafiəsi, vətəndaşların hüquqi, siyasi mədəniyyət səviyyəsinin yüksəldilməsi, sosial və siyasi fəallığının artırılması | 1) Azərbaycanda vətəndaşhüquqvə azadlıqlarının təmin edilməsi dövlət siyasətinin əsas istiqamətlərindən biridir. 2) İnsan hüquqlarının müdafiəsi sahəsində qanunvericilik və institusional islahatlar 3) Dövlət siyasətinin əsas meyarı: İnsan amili |
3. | İctimai və dövlət maraqlarının müdafiəsi | 1) Dövlət maraqlarının müdafiəsi milli və ictimai vəzifə statusunda 2) Milli dövlətçilik maraqlarınin qorunmasında vətəndaş təəssübkeşliyi 3) İctimai və dövlət maraqlarının müdafiəsi dövlətin prioritet vəzifəsi kimi |
4. | Ermənistan-Azərbaycan, Dağlıq Qarabağ münaqişəsi haqqında həqiqətlərin dünya ictimaiyyətinə çatdırılması, Azərbaycanın ədalətli mövqeyinin müdafiə edilməsi | 1) Dağlıq Qarabağ həqiqətləri: Beynəlxalq aləm sözdən əmələ niyə keçmir? 2) Azərbaycanın hücum diplomatiyası: İşğalçı Ermənistanı dünyanın qınaq hədəfinə çevrilir 3) Erməni terrorrunun Qarabağ vəhşətləri |
5. | Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığının inkişaf etdirilməsi | 1) Dünya birliyinə inteqrasiyanın Azərbaycan modeli 2) Azərbaycanın regionda və beynəlxalq miqyasda mövqeyini gücləndirən amillər 3) Qərb və şərq dəyərlərini özündə birləşdirən ölkə: Azərbaycan |
6. | Qaçqın və məcburi köçkünlərin, əhalinin sosial cəhətdən qayğıya ehtiyacı olan təbəqələrinin problemlərinin həlli ilə bağlı həyata keçirilən tədbirlərin işıqlandırılması | 1) Böyük Qayıdışa aparan yol: dəqiq istiqamət, davamlı addımlar 2) Qaçqın və məcburi köçkün həyatının mənəvi məziyyətləri 3) Prezident vədi: Azərbaycan bayrağı Şuşada dalğalanacaqdır |
7. | Azərbaycanın dövlətçilik tarixinin, milli adət-ənənələrinin və mədəniyyətinin təbliği | 1) Keçmiş tariximizi nə qədər yaxşı bilsək, gələcəyimizi o qədər yaxşı görərik 2) Milli-məvəvi dəyərlər hər bir vətəndaşın qürur mənbəyidir 3) Milli mədəni irsin öyrənilməsi və təbliğinə yeni yanaşmalar |
8. | Azərbaycançılıq ideyasının təbliği | 1) Heydər Əliyev və azərbaycançılıq məfkurəsi 2) Birləşdirən, bütövləşdirən ideologiya: Azərbaycançılıq 3) Azərbaycançılıq – tarixi qaynaqlar və müasirlik |
9. | Regionların sosial-iqtisadi inkişafının təşviq edilməsi | 1) Ərzaq təhlükəsizliyi strateji məqsəddir 2) Bölgələrin inkişafına dövlət qayğısının Azərbaycan modeli 3) Regionların inkişafı ölkənin hərtərəfli tərəqqisində əsas amil kimi |
10. | İnformasiya və kommunikasiya texnologiyalarının inkişaf etdirilməsi | 1) Azərbaycan kosmik sənaye ölkələri sırasında 2) 2013-cü il informasiya və kommunikasiya ilidir 3) Müasir texnologiyalardan istifadənin iqtisadi tərəqqidəki artan rolu |
11 | Diaspor quruculuğu, lobbiçilik və dünya azərbaycanlılarının həmrəyliyi | 1) Diaspora təşkilatlarımız Azərbaycan həqiqətlərinin carçısıdır 2) Çağdaş lobbiçilik anlayışı: müqəddəs amallar naminə 3) Diaspor quruculuğu və lobbiçiliyin dünya təcrübəsi və Azərbaycan |
12 | Dini və milli tolerantlıq, millətlərarası münasibətlərin inkişaf etdirilmə | 1) Dini dözümlülüyün Azərbaycan modeli dünyaya nümunədir 2) Millətlərarası münasibətlərin Azərbaycan modelinə baxış 3) Dünyanı təhdid edən amil: dini və milli ayrıseçkilik tendensiyası |
13 | Gender, ailə və demoqrafiya məsələlərinin işıqlandırılması | 1) Sağlam cəmiyyətin təşəkkülündə ailə faktoru 2) Azərbaycan ictimai fikrində gender tarazlığı məsələsi 3) Əhalinin təbii artım səviyyəsi: mövcud durum nə vəd edir? |
14 | Uşaq və gənclərin fiziki və mənəvi inkişafı | 1) Müasir texnologiyalar uşaq və gənclərin inkişafına təsiri 2) Azərbaycan bayrağını zirvələrə daşıyan gəncliyimiz 3) Fiziki tərbiyə və mənəvi kamillik qoşa qanad kimi |
15 | Gənc nəslin milli mənlik şüurunun inkişaf etdirilməsi və vətənpərvərlik hislərinin tərbiyəsi | 1) Müasir gənclikmilli-mənəvi dəyərlərimizin daşıyıcısıdır 2) Sağlam gənclik, milli dövlətçiliyin inkişafına təkan verici qüvvədir 3) Yüksək təhsil gənc vətənpərvər yetişdirir |
Modern.az