Arxiv
1 Aprel 2010, 17:04 | MEDİA
Bu gün jurnalistlərdən kim aldatdı, kim aldandı?

1 aprel aldadıb-aldanmaq günüdür. Zarafatla arası saz olanlar həmişə bu tarixi səbirsizliklə gözləyirlər ki, kimisə aldatsınlar. Hərdən kiminləsə zarafat etməyi, loru dildə desək “məzələnməyi” xoşlayanlar arasında heç şübhəsiz jurnalistlər də var. Bəs bu gün necə, jurnalistlərdən kimsə “gülüş toru”na düşübmü?

Modern.az bunu öyrənmək üçün bəzi qələm sahiblərinə müraciət edib.

“Xalq Cəbhəsi” qəzetinin baş redaktoru Elçin Mirzəbəylini günün ikinci yarısına kimi heç kim aldatmayıb, Heç özü də him kimlə zarafat eləməyib: “Heç keçmişdə də mənim 1 aprellə baglı maraqlı xatirəm yoxdur”.

 

Köşə yazarı Taleh Şahsuvarlını da bu gün aldadan olmayıb: “Əvvəlki tarixləri isə vallah, xatırlaya bilmirəm”.

APA-nın baş direktoru Vüsalə Mahirqızı deyir ki, o da bu gün aldanmayıb: “Bu gün aldanmamışam. Məni aldatmaq istəyən cəsarət sahibi nə gəzir?”.

Köşə yazarı Xanlar Xoca sualıma sualla cavab verdi: “Məni? Yox mən hamıya şübhə ilə yanaşıram. Ona görə məni aldatmaq çətindir. 1 apreldə aldandığım olmayıb. Olmaz da yəqin ki…”.

“525-ci qəzet”in baş redaktoru Rəşad Məcid də bu gün aldanmayıb: “Camaatın yumor hissi elə bil ölüb. Hamı robotlaşıb. Zarafat heç kimə çatmır”. Rəşad müəllimin deməsinə görə, əvvəllər camaatın yumor hissi daha güclü imiş: “Bir dəfə “Daewoo” şirkəti ilə əlaqə qurmaq istədiyimizi onlara demişdik. Onlar isə bizə “oxucularınız azdır”,-deyə cavab vermişdi. O zaman da camaat pulunu banklara yatırmışdı. Sonra elə oldu ki, pulların qaytarıb ala bilmədilər. Biz də 1 apreldə qəzetimizdə belə bir élan verdik: “Sizin faciənizi “Daewoo” şirkəti başa düşür və bütün batan pullarınızı qaytarmağı öz öhdəsinə götürür”. Elanın altından da şirkətin telefon nömrəsin yazmışdıq. Həmin günü zərərçəkən əmanətçilərin bir qismi şirkətə gedib, bəziləri isə “Daewoo”nun  telefon nömrələrinə zəng edib. “Daewoo”dan bizə zəng etdilər ki, “nə edibsiz? Camaat bizdən əl çəkmir”. Sabahı gün biz onlara üzrxahlıq məktubu yazdıq. Dedik ki, bu 1 aprel zarafatı idi. Bu hadisədən sonar biz həmin şirkətə sübut etdirdik ki, oxucularımız var. Onlar da bizimlə əməkdaşlıq əlaqəsi yaratdılar”.

Milli.az saytının redaktoru Zahir Əzəməti isə bu gün aldadan olub: “İş yerində aldatdılar. Dedilər ki, guya işimiz iki növbəli sistemə keçirilib. Yəni səhər 08-00-dan axşam 11.00-a kimi işləməli olacağıq. Elə təzəcə dilxorluq başlamışdı ki, dedilər ki, “zarafatdı…”. Zahir Əzəmətin dediyinə görə, onu əvvəllər də aldadan çox olub: “Bir dəfə yaxın dostlarımdan birinin ölüm xəbərini mənə çatdırmışdılar. Mən də inanmışdım”. Z.Əzəmət 1 aprellə bağlı yadında qalan daha bir əhvalatı da danışdı: “Bir dəfə həmkarlarımla birlikdə şair-dostumuz İlham Qəhrəmanın avtomobilinə "satılır" elanı yapışdırmışdıq. Ona o qədər zəng gəlmişdi ki... Çox sonralar işin nə yerdə olduğunu bildi”.

Müstəqil jurnalist Azər Həsrət bu gün hələ ki, kiminsə toruna düşməyib: “Çünki gecədən tədbirimi almışam. Az adamla ünsiyyətdə olmuşam. Bir şey eşidəndə də xeyli düşünürəm. Ancaq ola bilsin, axşamadək kimsə məni aldatdı”. Azər Həsrət bu günlə bağlı maraqlı bir əhvalatı da xatırlatdı: “Tanınmış qələm sahibi Seymur Elsevər bir dəfə Bakı Mətbuat Klubunun adından jurnalistlərə zəng edib ki, aprelin 1-də şair Zəlimxan Yaqubun mətbuat konfransı olacaq. Jurnalistlər də toplaşıblar Bakı Mətbuat Klubuna. Ha gözləyiblər, amma Zəlimxan müəllim gəlib çıxmayıb. Onda başlayıblar şairə zəng eləməyə ki, “Ay Zəlimxan müəllim harda qalmısınız? Mətbuat konfransı keçirirsiniz, özünüz də gecikmisiniz”.

Şair də deyib ki, “əşşi siz nə danışırsınız, mənim heç nədən xəbərim yoxdur”. Sonra bəlli olub ki, Seymur Elsevər jurnalistləri aldadıb”.

Jurnalist Fərəh Sabirqızı yaradıcı məsələlərdə heç vaxt aldanmayıb: “Ancaq uşaqlıqda aldadıblar. Bu gün isə məni aldadan olmayıb.  Amma “Azadlıq” qəzetində xanım müxbirlərdən biri aldanıb. Ona zəng edib deyiblər ki, “Azərbaycan” Nəşriyyatı yanır. O da inanıb, ürəyi gedib”.

Bu gün aldananlardan biri də “Ekspress” qəzetinin əməkdaşı Aqil Aslan oldu. Onu aldadan isə mən oldum. Belə ki, dünən həmkarlarımızla birlikdə Qubaya getmişdik. Bizimlə gedənlər arasında “Mediaforum”un gənc əməkdaşı Elnur da vardı. Bu gün səhər mən Aqil Aslana zəng edib dedim ki, Elnurun telefonunu dünən avtobusda kimsə oğurlayıb. O, da təbii ki, buna inandı. Zəng edib sürücüyə məsələni bildirib. Başıbəlalı sürücü də maşının hər dəlmə-deşiyini axtarıb, amma tapa bilməyib. Aqil yenidən mənə zəng edib, Elnurun telefonuna zəng çatıb-çatmadığını soruşdu. Mən də dedim, “zəng çatmır”. Aqil and-aman etdi ki, sürücü yaxşı adamdır: “Ondan şübhələnməyin. İstəyirsiz bizimlə gedən uşaqlara da zəng edib, soruşa bilərəm”. Doğrudan da Aqil bərk dilxor olmuşdu. Mən onu, o da bilmədən sürücünü aldatmışdı. Bir müddət keçəndən sonra ona bir mesaj göndərdim: “Aqil, bu gün 1 apreldi eee...”. 

Digər aldananlardan biri isə Modern.az-ın kollektivi oldu. Həyəcanla redaksiyanın qapısın açıb, dedim: ““525-ci qəzet”in redaksiyasında nə baş verdiyindən xəbəriniz var?”.

Hamı bir ağızdan: “Nooolub ki?”.

Mən dedim: “Bilmirəm, nə isə dava-dalaş var”.

Redaktor getmək istəyəndə məni gülmək tutdu. Beləcə yalanım ayaq tutsa da, yerimədi...

Günay MUSAYEVA

 

 

BU KATEQORİYADAN OLAN DİGƏR XƏBƏRLƏR
+ Arxiv
İradə Cavadova da deputatlığa namizəd oldu 15 Dekabr 2019, 22:19 Bakıda 9 yaşlı uşağın qarnına oxlov batdı 15 Dekabr 2019, 21:46 Daha 26 qanunsuz miqrant saxlanıldı 15 Dekabr 2019, 21:31 YAP-çı deputat “Aprel döyüşləri”nə görə prezidentin mükafatlandırdığı polkovnikin həbsini PİSLƏDİ 15 Dekabr 2019, 21:20 Çirkli hava səbəbindən 1 541 nəfər xəstəxanaya düşdü 15 Dekabr 2019, 21:00 Müsavat Partiyası 70 dairə üzrə deputatlığa namizədini müəyyənləşdirdi 15 Dekabr 2019, 20:52 Üzeyirin bu çağırışına 1 milyon insan toplandı - VİDEO 15 Dekabr 2019, 20:33 Bakıda təcili yardım maşını qəzaya düşdü 15 Dekabr 2019, 20:18 Daha bir kütləvi məzarlıq aşkarlandı 15 Dekabr 2019, 20:03 Oqtay Gülalıyevin səhhətində irəliləyiş var 15 Dekabr 2019, 19:53 Qubada yük maşını aşıb 15 Dekabr 2019, 17:52 “Əməkdar jurnalist” Ləman Ələşrəfqızının özünə arzuları - MÜSAHİBƏ 15 Dekabr 2019, 17:47 General deputatlığa namizədliyini irəli sürdü  15 Dekabr 2019, 16:48 Sevr və Lozandan başlanan ERMƏNİ YALANI 15 Dekabr 2019, 16:41 Xalq artisti Rəfael Dadaşov xəstəxanadan evə buraxılıb 15 Dekabr 2019, 15:59 Polkovnik Vəlişov niyə həbs edilib? - DİN açıqlama yaydı, yaxınları etiraz etdi 15 Dekabr 2019, 15:39 Sizə bir sirr açım - “Politologiya” adlı elm yoxdur 15 Dekabr 2019, 15:36 İtaliyada bomba təhlükəsi: 54 min sakin təxliyə edilib 15 Dekabr 2019, 15:08 Bu qədər şərləmək olmaz axı! 15 Dekabr 2019, 14:28 Suriyaya 900-dən çox qaçqın qayıdıb 15 Dekabr 2019, 14:28 Masallıda zəlzələ olub 15 Dekabr 2019, 14:08 Sabahın hava PROQNOZU 15 Dekabr 2019, 13:45 Harvard Universitetinə qəbul olunan Nigar məşhur komandirin QIZIDIR 15 Dekabr 2019, 13:31 “Namuslunu niyə apardılar, namussuz isə öz keyfindədir?” - Şirməmməd Hüseynovla internetdə olmayan MÜSAHİBƏ 15 Dekabr 2019, 12:39 Metroda faciənin qarşısı sərnişinlər tərəfindən alındı - FOTO 15 Dekabr 2019, 12:38 Filippində 6,8 bal gücündə zəlzələ olub 15 Dekabr 2019, 12:10 Səxavət Məmmədovun Amerikadakı YADİGARI 15 Dekabr 2019, 12:04 “Doğulduğum günü xatırlamasam da, əzablı olduğuna əminəm” - 73 yaşlı Xalq şairi 15 Dekabr 2019, 11:28 Yıxılaraq başından travma alan 9-cu sinif şagirdi ölüb 15 Dekabr 2019, 10:46 Mingəçevirdə qardaş qardaşı bıçaqladı 15 Dekabr 2019, 10:42 Nepalda avtobus dərəyə yuvarlanıb: 14 nəfər ölüb 15 Dekabr 2019, 10:39 Bələdiyyə seçkilərinə 1 həftə qaldı: bildirişlərin paylanması prosesi başa çatır 15 Dekabr 2019, 10:29 Küçədə qışlayanlar - Nazirlik neçə nəfərə sahib çıxıb? 15 Dekabr 2019, 10:14 Məşhurların qəribə sonları 15 Dekabr 2019, 10:00 Futbol üzrə Azərbaycan kuboku yarışlarında dörddəbir final başlayır 15 Dekabr 2019, 09:52