Jurnalistlərin Beynəlxalq Əməkdaşlığı Cəmiyyəti Fəaliyyətini bərpa edib. Cəmiyyətin sədri Xətayi Əzizov bildirib ki, təşkilatın əsas məqsədi xarici ölkələrin mətbuat nümayəndələri ilə səmərəli əməkdaşlıq əlaqələri qurmaq, Azərbaycan həqiqətlərini təbliğ etmək, xüsusilə də Dağlıq Qarabağ münaqişəsinin əsl səbəbləri, nəticələri, Ermənistanın zaman-zaman Azərbaycana qarşı həyata keçirdiyi terror aktları, hərbi təcavüz, işğalçılıq və etnik təmizləmə siyasəti barədə dünya ictimaiyyətini məlumatlandırmaq, eyni zamanda, Azərbaycan jurnalistlərinin beynəlxalq əlaqələrini inkişaf etdirməkdir. Bunun üçün xarici ölkələrin jurnalist təşkilatları, ayrı-ayrı jurnalistləri ilə əlaqələr qurulacaq, həmçinin Azərbaycanın xarici ölkələrdəki səfirlikləri və daimi nümayəndəlikləri ilə də sıx əməkdaşlıq ediləcək.
