“Azərbaycan İnkişaf Mərkəzi” İctimai Birliyi Şirvan şəhərində Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının dəstəyi ilə reallaşdırdığı “Azərbaycanın regionlarında vətəndaş cəmiyyəti quruculuğu prosseslərinin sürətləndirilməsinə dəstək” layihəsi çərçivəsində tədbirini keçirib.
Toplantıda Azərbaycan İnkişaf Mərkəzinin sədri Heydər Atayev, Şirvan şəhər Gənclər İdman idarəsinin rəisi Azər Quliyev layihənin məqsədi barədə danışıblar. Qeyd olunub ki, tədbirin xüsusi məqsədi ölkədəki ictimai yönümlü təşkilatların fəallığının, qərarvermə prosesində onların bacarığlarının artırılmasıdır. “Keçirəcəyimiz təlimlər vətəndaş cəmiyyəti təşkilatlarına birlikdə çalışmaq üçün bir sıra imkanlar yaradacaq. Vətəndaş cəmiyyəti və ictimayyət içində həyata keçirilən sorğular, vətəndaş cəmiyyəti təlimi bütün bunlar Azərbaycan vətəndaş cəmiyyətində inam və əməkdaşlıq mühitini formalaşdırmaq və yaxşı əlaqələr qurmağa xidmət edəcək.”-deyə H. Atayev vurğulayıb.
Tədbir çərçivəsində ictimayyət arasında ölkənin vətəndaş cəmiyyəti təşəbüslərində fəallığı ilə bağlı sorğu aparılıb.
Modern.az