Arxiv
15 Aprel 2010, 18:26 | QARABAĞ
Universiteti bitirən gənc aktyorlar regionlara getmək istəmirlər

 

Azərbaycan Media Mərkəzində region teatrlarında aparılan monitorinqlərin yekunu olaraq ictimai müzakirə keçirilib. İctimai müzakirələrdə Milli Məclisin üzvləri,  Mədəniyyət və Turizm Nazirliyinin mütəxəssisləri, Mədəniyyət və İncəsənət Universitetinin mülləimləri, tanınmış aktyorlar, mədəniyyət xadimləri və ictmaiyyət nümayəndələrinin iştirak edib. Tədbir Regional İnsan Hüquqları və Media Mərkəzi İctimai Birliyi (RİHMM) bu ilin yanvarından icrasına başladığı «Regionlarda teatrların vəziyyətinin monitorinqi: problemlərin müəyyənləşdirilməsi və ictimai müzakirələrin təşkili» layihəsi çərçivəsində baş tutub. Açıq Cəmiyyət İnstitutu Yardım Fondunun maliyyə dəstəyi ilə həyata keçirilən layihəsi çərçivəsində aparılan monitorinq Gəncə, Mingəçevir, Şəki və Qax rayonlarında fəaliyyət göstərən teatrları əhatə edib.

Monitorinqin nəticələri ilə bağlı məlumat verən RİHMM-in sədri X.Kazımov bildirib ki, region teatrlarının hamısı tamaşaçı azlığından əziyyət çəkir: «Biz monitorinqlərə Gəncə Dövlət Dram Teatrından başladıq.  Teatrda istilik sistemi yox səviyyəsindədir. İşıqlandırma sistemi və avadanlıqlar sovet dövründən qalmadır. Teatr rəhbərliyinin sözlərinə görə, uzun illərdir istehsalı dayapndığından hətta teatrda olan projektorların lampalarını tapmaq müşkül işə çevrilib. Teatrda geyim və dekorasiyaların köhnə olması yeni tamaşaların hazırlanmasında çətinlik yaradır.  Teatra sonuncu dəfə ixtisaslı gənc aktyor 80-ci illərin sonunda gəlib. Son vaxt işə götürülən 4 gəncdən cəmi biri ali təhsillidir. Teatra gələnlərə əvvəllər olduğu kimi nə yataqxanada yer, nə də əlavə güzəştlər nəzərdə tutulur. Teatrın gündüz tamaşısının qiyməti 1 manat, axşam tamaşasının qiyməti 2 manat olsa da, tamaşalarda ən çoxu 30-50 nəfər olur. Gəncə Dövlət Kukla Teatarının da bütün avadanlıqları köhnədir. 1 rejissor, 10 aktyorun çalışdığı teatrın tamaşaçıları əsasən orta məktəb şagirdləridir».

X.Kazımov Şəki Dövlət Dram Teatrının binasının ciddi təmirə ehtiyacı olduğunu vurğulayıb.

O, layihənin növbəti mərhələsində Mədəniyyət və İncəsənət Universitetinin aktyorluq fakültəsinin sonuncu kurs tələbələrinin region tetarlarında işləmək istəməməsinin səbəbləri araşdırıldığını deyib: «Tələbələrlə aparılan müzakirələr nəticəsində məlum olub ki, diplom tamaşasının məşqlərini davam etdirən tələbələr arasında istedadlılar çoxdur. Amma onların heç biri universiteti bitirdikdən sonra regionlara getmək istəmir. Tələbələr bunu region tetarlarında  karyera qurmaq imkanlarının olmaması ilə izah ediblər. Tələbələr bildirir ki, əsas səbəblərdən biri gənc aktyorlara verilən məvaciblə yaşamağın qeyri-mümkün olmasıdır. Həm də nəzərə alınmalıdır ki, gənclər öz həyatlarını qurmalıdır. Qalmağa adi yaşayış yeri olmayan gənc aktyor 80-100 manat əmək haqqı ilə necə yaşaya bilər?”.

Millət vəkili Jalə Əliyeva respublikamızda teatrın hər zaman dövlət qayğısına ehtiyacı olduğunu bildirib: «Dövlət büdcəsindən mədəniyyət sahəsinə xeyli vəsait ayrılır. Ancaq bu, bir o qədər də yetərli deyil. Lakin biz bütün işləri dövlətin üzərinə ata bilmərik. Teatrların özləri də bu yönümdə müəyyən işlər görməlidirlər. Artıq insanların marağı teatrdan çox televiziyada göstərilən şou-proqramlara yönəlib. Dövlət teatrlarımızı təmir etsə də, bu, teatr sənətinin dirçələcəyinə işarə deyil. Çünki dövlət teatrı təmir edə bilər, ancaq əsər yarada bilməz. Son dövrlərdə Azərbaycanda hadisəyə səbəb olacaq yeni bir əsər yazılmayıb. Belə olan halda isə teatrın bugünkü inkişafından danışmaq bir az çətindir».

Xalq artisti Amalya Pənahova Azərbaycanda ən az maaş alan şəxslərin məhz teatr sahəsində çalışanlar olduğunu bildirib: « Xalq artisti adına layiq görülən və Akademik teatrda çalışan bir aktyorun 350 manat maaş alması bu sahə üçün ən yüksək qonorar hesab olunur. Ancaq etiraf etmək lazımdır ki, bu məbləğ əslində çox azdır və bir insanın bir aylıq gəlirini də tam qarşılaya bilməz. Məvacib problemi ilə bağlı məhsuldar şəxslərə müraciət edərkən isə, çox maraqlı bir cavab eşidirik. Artist ac olmalıdır, yoxsa yarada bilməz. İnanın, bu fikir məni həm güldürür və həm də kədərləndirir. Çünki ac olan artist nə yaradacaq axı? Olmaz ki, biz aktyora layiq olduğu dəyəri verək və ondan keyfiyyətli məhsul gözləyək».

Mədəniyyət və Turizm Nazirliyinin baş məsləhətçisi Vəfa Novruzova teatrların inkişafı ilə bağlı bir sıra tədbirlərin görüldüyünü bildirib.

YUĞ Dövlət Teatrının ədəbi hissə müdiri, teatrşunas Elçin Cəfərov bölgə teatrlarının durumu mütləq Dövlət Teatrları Sistemi ilə əlaqədə araşdırılmalı olduğunu bildirib.

Mədəniyyət və İncəsənət Universitetinin müəllimləri Vaqif Əsədov və Telman Əliyev isə gənclərə regionlarda şərait yaradılmasını vacib sayıb.

Modern.az

 

 

 

 

BU KATEQORİYADAN OLAN DİGƏR XƏBƏRLƏR
+ Arxiv
Kasilyas 39 yaşında futbol kayerasına son qoydu 4 Avqust 2020, 16:15 Nazirlik istifadəyə yararlı çimərliklərin adlarını açıqladı 4 Avqust 2020, 16:12 Polis 10 kiloqramdan çox narkotik götürdü 4 Avqust 2020, 16:02 Fəttah Heydərovla bağlı NEKROLOQ imzalandı 4 Avqust 2020, 16:00 Maliyyə naziri: İqtisadiyyatın əksər sektorlarında azalmalar müşahidə olunmaqdadır 4 Avqust 2020, 15:58 Bu şəxslərin rayonlara gediş-gəlişinə İCAZƏ VERİLDİ 4 Avqust 2020, 15:42 Prezident və birinci xanım Bakıda salınan yeni parkda - FOTOLAR - YENİLƏNİB 4 Avqust 2020, 15:40 Qazaxın su və kanalizasiya sistemi yenidən qurulur 4 Avqust 2020, 15:31 Deputatın maaşından tutublar 4 Avqust 2020, 15:27 İqtisadi siyasət, sənaye və sahibkarlıq komitəsi büdcəni müzakirə edir 4 Avqust 2020, 15:22 DSMF-nin gəlir və xərclərinin azalma səbəbi komitə iclasında açıqlandı 4 Avqust 2020, 15:17 2 polisin qatili 25 il sonra Azərbaycanda YAXALANDI 4 Avqust 2020, 15:08 Hamımızın ağsaqqalı FƏTTAH HEYDƏROV 4 Avqust 2020, 15:06 BMU ilə İnha Universiteti arasında ikili diplom proqramına müraciət imkanı sadələşdirilib 4 Avqust 2020, 14:53 Naftalanda karantin qaydalarına nəzarət işləri davam etdirilir 4 Avqust 2020, 14:44 DİM-dən qəbul imtahanlarının 2-ci mərhələsinin vaxtı ilə bağlı AÇIQLAMA 4 Avqust 2020, 14:33 İqtisadi İslahatların Təhlili və Kommunikasiya Mərkəzində kadr təyinatları olub 4 Avqust 2020, 14:09 Lukaşenko: “Rusiyanın Belarusdan başqa yaxın müttəfiqi qalmayıb” 4 Avqust 2020, 14:06 Silahlı Qüvvələrə Yardım Fonduna toplanan vəsaitin HƏCMİ 4 Avqust 2020, 13:55 Ermənilər bir faktı etiraf edə bilmirlər ki, Azərbaycan Cənubi Qafqazda İsrailin strateji tərəfdaşıdır” - Arye Qut 4 Avqust 2020, 13:48 Birinci vitse-prezidentin köməkçisi: “Emənistan bir daha səbrimizi sınağa çəkməsin!” 4 Avqust 2020, 13:42 Sabaha gözlənilən HAVA PROQNOZU 4 Avqust 2020, 13:36 Agentlik ictimai iaşə müəssisələrinə müraciət etdi 4 Avqust 2020, 13:22 Azərbaycanlı şagird Rusiyadakı “Kurchatov” olimpiadasında 3-cü yerə çıxıb 4 Avqust 2020, 13:14 3,3 min kassa çeki üzrə ƏDV-nin geri qaytarılmasından imtina edilib 4 Avqust 2020, 13:04 İki bələdiyyə sədrinə cərimə kəsildi 4 Avqust 2020, 12:57 Azyaşlı azərbaycanlı blogerdən Ermənistanın faşist siyasətinə etiraz - VİDEO 4 Avqust 2020, 12:51 Memar Şahdağlinskinin etirafları və poetik müraciəti 4 Avqust 2020, 12:47 Fəttah Heydərov I Fəxri xiyabanda dəfn olundu - YENİLƏNİB 4 Avqust 2020, 12:46 Neft Fondu iyulda banklara nə qədər dollar satıb? – MƏBLƏĞ 4 Avqust 2020, 12:44 Sərxoşluq edən 583 nəfər müalicəyə cəlb edilib 4 Avqust 2020, 12:42 İşğal altındakı torpaqlarda virusa yoluxanların sayı 247-yə ÇATDI 4 Avqust 2020, 12:41 Azərbaycanda narkotiklərə görə tutulanların yaş və cins GÖSTƏRİCİLƏRİ 4 Avqust 2020, 12:34 Narkomaniyadan əziyyət çəkən 1228 nəfər məcburi müalicəyə göndərilib 4 Avqust 2020, 12:30 O, “yuxarıdan” göndərilib, “lap yuxarıdan!..” 4 Avqust 2020, 12:24