Amerikanın Florida ştatında qalmaqalları hərəkətləri ilə yadda qalan keşiş Terri Cons həbs olunub. Modern.az saytı xarici mətbuata istinadən xəbər verir ki, 61 yaşlı keşiş sentyabrın 11-də axşam Tampa Bey şəhərində 2998 nüsxə Quran kitabını nümayişkaranə şəkildə yandırmaq istəyib.
Florida polisi Consu ona məxsus olan yük maşınında həbs edib. Maşında üstünə kerosin tökülmüş kitablar aşkarlanıb.
ABŞ-ın Florida ştatındakı Dünya Sosial Yardımlaşma adlı kilsənin rahibi olan Cons İslam dininə qarşı nifrət bəsləyir. Terri Consun rəhbərlik etdiyi icmanın üzvləri 2011-ci il martın 21-də müsəlmanların müqəddəs kitabı olan Qurani-Kərimi ictimai şəkildə yandırıblar.
Vüqar İsmayılov