Türkiyədə kürdyönümlü müxalif partiya - Xalqların Bərabərlik və Demokratiya Partiyası (Halkların Eşitlik ve Demokrasi Partisi - HEDEP) abreviaturasını yeniləyib.
Modern.az Türkiyə mətbuatına istinadən xəbər verir ki, buna səbəb rəsmi orqanlar tərəfindən hazırkı abreviatura ilə əvvəllər qapadılmış HADEP arasındakı bənzərliyin aradan qaldırılması ilə bağlı tələbi olub.
Buna görə də partiya adını dəyişməsə də, ad qısaltması olan abreviaturasını dəyişib. Belə ki, Xalqların Bərabərlik və Demokratiya Partiyası bundan sonra HEDEP yox, DEM Partiya (DEM Parti) abreviaturasından istifadə edəcək.
Qeyd edək ki, bundan əvvəlki adı Yaşıllar və Sol Gələcək Partiyası (Yaşıl Sol Partiya - YSP) olan siyasi təşkilat son parlament seçkilərində iştirak edib. Hazırda parlament fraksiyası fəaliyyət göstərir. YSP qapadılma ehtimalı olan Xalqların Demokratik Partiyasının (HDP) namizədlərini öz proporsional siyahısından namizəd göstərmişdi.
