Rusiya Federasiyası Kommunist Partiyasının lideri Gennadi Zyuqanov bir vaxtlar Rusiya prezidenti Vladimir Putinə seçkilərlə bağlı necə məsləhət verdiyini söyləyib.
Modern.az xəbər verir ki, Zyuqanovun sözlərinə görə, Putinlə şəhərətrafı bağ evində keçirdiyi görüş demək olar ki, bütöv bir gün davam edib.
“Putin seçkilər olanda bizim yanımıza gəldi. Məndən məsləhət istədi, mənim də buna təcrübəm çatırdı, çünki Kosıgin və Brejnev dövründən seçki sahəsində işləmişəm”, - Zyuqanov deyib.
Siyasətçi hansı ildə hansı seçkilərdən danışdığını açıqlamayıb, lakin qeyd edib ki, o, demək olar ki, bütün günü bağ evində Putinin suallarını cavablandırıb.
