Rusiya prezidenti Vladimir Putin sentyabrın 23-də Kollektiv Təhlükəsizlik Müqaviləsi Təşkilatının (KTMT) Soçi şəhərində keçiriləcək növbəti sessiyasında iştirak edəcək. Modern.az saytı bildirir ki, görüşdə KTMT-nin kollektiv təhlükəsizlik sisteminin və təşkilat daxilində mütəttəfiqlik münasibətlərinin təkminləşdirilməsi məsələlərinin müzakirəsi gözlənilir.
Gündəliyə KTMT-nın 2012-ci il dekabr və 2013-cü il mayın 28-də Bişkekdə keçirilən sammitlərində əldə olunan qərarların analizi də daxildir. Dövlət başçıları KTMT-nın qoşun idarəolunması mexanizmlərinin modernləşdirilməsi və təşkilatın aviasiya qoşunlarının yaradılması məsələlərini də müzakirə edəcək. 2014-cü ildə xarici qoşun kontingentinin Əfqanıstandan çıxarılması fonunda təşkilata üzv dövlətlərin sərhədlərinin təhlükəsizliyinə daha çox diqqətin ayrılması nəzərdə tutulur. Sessiyada KTMT-ya sədrlik Qırğızıstandan Rusiyaya keçəcək. Bununla bağlı Rusiya tərəfi sədrliyi dövründə prioritet olacaq məsələlər barədə məlumat verəcək.
