Britaniyanın müdafiə naziri Qrant Şapps ötən gecə Ukrayna Hərbi Hava Qüvvələrinin Feodosiyada Rusiya hərbi gəmisinin məğlubiyyəti ilə bağlı xəbərləri şərh edib.
Modern.az xəbər verir ki, bu barədə BBC məlumat yayıb.
Nazir deyib ki, Rusiyanın Qara dənizdəki üstünlüyü indi sual altındadır. Onun sözlərinə görə, Putinin donanmasına bu son zərbə onu göstərir ki, Ukraynada müharibənin dalana dirəndiyinə inananlar yanılırlar.
Nazir X sosial şəbəkəsindəki səhifəsində yazıb: "Onlar son 4 ayda Rusiyanın Qara dəniz donanmasının 20%-nin məhv edildiyini görmürlər. Rusiyanın Qara dənizdəki hökmranlığı indi sual altındadır və Britaniya və Norveçin rəhbərlik etdiyi yeni dəniz imkanları koalisiyası Ukraynaya dənizdə qələbə qazanmağa kömək edir”.
