Bakı şəhəri 250 nömrəli orta məktəbin ali dərəcəli riyaziyyat müəllimi Kərim İsmayılov Modern.az saytı vasitəsilə təhsil naziri Mikayıl Cabbarova minnətdarlıq məktubu ünvanlayıb. Buna səbəb eks-nazir Misir Mərdanovun dövründə işdən çıxarılan Kərim müəllimin Mikayıl Cabbarovun göstərişi ilə yenidən məktəbə qaytarılmasıdır.
Kərim İsmayılov deyir ki, 2010-cu il oktyabrın 5-də məktəbdə və təhsildə baş verən neqativ hallarla bağlı ANS telekanalının “Günəbaxan” verilişinə zəng etdiyinə görə 250 nömrəli məktəbin direktoru Nazim Adıgözəlov tərəfindən qanunsuz olaraq işdən çıxarılıb. Bütün instansiyalara şikayət etməyinə baxmayaraq, keçmiş təhsil naziri Misir Mərdanovun son 3 illik fəaliyyəti dövründə onun məsələsinə baxılmayıb.
