“Çovqan Azərbaycanın qədim milli xalq oyunlarındandır. Bu gün bu iddianı irəli sürdüyümüz üçün YUNESKO-nun qeyri-maddi mədəniyyət abidələri sırasına daxil edilib”. Bu sözləri Modern.az-a açıqlamasında Gənclər və İdman Nazirliyinin idman şöbəsinin müdiri Mirkamil Rəhimov deyib. O, qeyd edib ki, Azərbaycanda olduğu kimi, İranda da bu qədim oyun növü var.
“Çovqan Azərbaycan qədim milli oyundur. Bu tarixi bir məqamdır və tarixçilər buna baxıb deməlidir ki, bu fars oyunudur, yoxsa Azərbaycan. Biz bu iddianı qaldırdıq. Əgər onların tarixi oyunu idisə, bu günə qədər niyə susurdular?”.
