Oktyabrın 9-da seçkilərlə eyni vaxtda bir sıra təşkilatlar “exit-poll” keçiriləcək. Modern.az-a açıqlamasında “exit-poll” təşkilatçılarından biri olan QHT Əməkdaşlıq Alyansının həmsədri Rufiz Qonaqov xarici ekspertlərin artıq 3 gündür Azərbaycanda olduğunu bildirib.
““Proqnoz” Müstəqil Sosioloji Mərkəzi, bildiyiniz kimi, bizim tenderin qalibi olub. Bu qurum QHT Əməkdaşlıq Alyansının sifarişi əsasında sabah Azərbaycanın 125 seçki dairəsi üzrə 139 məntəqədə “exit-poll” keçirəcək. Sabah müşahidəçilərimiz də fəal iş görəcək. Azərbaycanın müxtəlif bölgələrində həm müşahidə monitorinqi həyata keçirəcəyik, həm də “exit-poll”. Çox güman ki, axşam saat 19.00-da seçki məntəqələri bağlandıqdan sonra QHT Əməkdaşlıq Alyansının həmsədrləri, beynəlxalq ekspertlər, eləcə də “Proqnoz” Müstəqil Sosioloji Mərkəzi “Hilton” otelində KİV üçün “exit-poll”un nəticələrini açıqlayacağıq”.
