“Azad və ədalətli seçkilər uğrunda” Jurnalist-QHT Koalisiyası da sabahki prezident seçkilərinə ciddi hazırlaşıb. Koalisiyanın bu məqsədlə formalaşan missiyası “2013-cü il prezident seçkilərinin monitoriniqi” layihəsi çərçivəsində bir sıra bölgələrə ezam olunub.
“Jurnalist-QHT Koalisiyasının üzvləri sabah keçiriləcək prezident seçkilərinin gedişini 150 məntəqədə izləyəcəklər”. Bunu deyən Jurnalist-QHT Koalisiyasının rəhbəri Seymur Verdizadənin Modern.az-a verdiyi məlumata görə, jurnalistlərin, QHT nümayəndələrinin daxil olduğu müşahidə missiyası Bakı, Sumqayıt, Şəki, Tovuz, Şəmkir, Cəlilabad, Lənkəran, Xaçmaz və digər böyük şəhərlərdə fəaliyyət göstərəcək”.
