”Görən deyir bu villa, hansı bəxtəvərindir?”… Yəqin ki, bu sözləri Bakıdakı yoxsullar varlıların imarətlərinin yanından ötüb keçəndə istər-istəməz ağıllarından keçirirlər…
Bəli, Bakı şəhərində “pulunu balta kəsməyən” bir çox varlı insanlar möhtəşəm villalara malikdirlər.
Modern.az saytının məlumatına görə, bu günlərdə paytaxtda dəyəri 2 milyon dollardan çox olan imarətin satışa çıxarıldığı barədə élan verilib.
İnternetdə alqı-satqı elanları dərc edən “bina.az”da həmin villanın qiyməti açıqlanıb. Belə ki, Bakının Badamdar qəsəbəsində yerləşən bu malikanəyə 1 milyon 700 min manat (2 milyon 167 min 538 dollar) qiymət qoyulub. 2 mərtəbəli, 7 otaqlı villanın sahəsi 700 m²-dir. Onun qapalı hovuzu da var. 12 sot həyətyanı ərazisi olan villanın sahibinin adı açıqlanmır.
Modern.az
