Milli Şura bu gün keçirdiyi iclasda 9 nəfər üzvünü kənarlaşdırıb. Modern.az xəbər verir ki, bu haqda Milli Şura üzvü Natiq Ədilov məlumat verib. Milli Şuradan çıxarılanların adları da bəlli olub. Məlum olub ki, Milli Şuranın iki üzvü-Akif Şahbazov və Gülnarə Qurbanova sessiyalar və iclaslarda iştirak etmədiyi üçün qurumdan çıxarılıblar. Digər yeddi nəfər isə öz bəyanatı ilə təşkilat sıralarını tərk edib.
Siyahıya ALP lideri Lalə Şövkət, sabiq AXCP-çi Asəf Quliyev, “El” Hərəkatının eks-üzvü İlham Hüseyn, ACP-çilər Zəminə Dünyamalıyeva, Solmaz Ələsgərova və İslam Partiyasından iki nəfər - Mövsüm Səmədov, Elçin Manafov daxildir.
Rəsul Quliyev və Əvəz Temirxan hələ ki, qurumdan çıxarılmayıb. Onlar barəsində növbəti sessiyada qərar verilməsi gözlənilir.
Aqşin Kərimov