Türkiyədə son 32 ildə ilk dəfə olaraq 1 May nümayişləri keçirilib. Modern.az türk mətbuatına istinadən xəbər verir ki, ölkənin həmkarlar təşkilatlarının fəalları Taksim meydanına toplaşaraq 1 Mayı qeyd ediblər. Aksiya iştirakçıları 1977-ci ildə 1 May şənlikləri gedişində baş vermiş iğtişaşlarda həlak olmuş vətəndaşların xatirəsni anıblar
Qeyd edək ki, son on illik ərzində bu cür aksiyalar Türkiyədə qadağan olunub. Bütün 1 May nümayişləri sonradan toqquşmalar və iğtişaşlarla sona çatıb. Bu il isə hakimiyyət orqanları rəsmən 1 May nümayişlərinə icazə verib. Son məlumatlara görə, Taksimdəki bayram şənlikləri insidentsiz ötüşüb.
