Gəncə Dövlət Universitetinin (GDU) professor-müəllim heyəti bu təhsil ocağı haqqında məlumatlara etiraz əlaməti olaraq müraciət yayıb.
Modern.az-ın xəbərinə görə, müraciətdə 75 yaşlı universitetin indiyədək qazandığı uğurları sadalayan professor-müəllim heyəti GDU-da aparılan məqsədyönlü işlər nəticəsində neqativ halların qarşısının alındığını, tədrisin keyfiyyətinin, əmək intizamının yüksəldiyini bildiriblər:
”Rektorun mobil telefonu və e-maili bütün tələbələrdə var, tələbələr istənilən anda rektorla əlaqə saxlaya bilir, onun Facebook sosial şəbəkəsindəki səhifəsinə yaza bilirlər. Onu da qeyd etmək lazımdır ki, universitetimizdə bütün imtahanlar test üsulu ilə kompüter vasitəsi ilə aparılır, bu da imtahanlarda hər hansı bir müdaxilənin qarşısını alır, tələbələrin aldığı qiymət dərhal testlər cavalandırılarkən məlum olur, kimsənin buraya müdaxiləsi inkansızdır”.
Müraciət müəllifləri bildiriblər ki, saytlarda yer tutan bəzi iddialara, GDU əleyhinə kəskin ittihamlar əsassızdır.
“Gəncə şəhəri İcra Hakimiyyətinin başçısının birbaşa öz vəzifələri və səlahiyyətləri var. Gəncə şəhəri İcra Hakimiyyəti ali təhsil ocaqlarının büdcəsinə və ya işinə müdaxilə etmir. Bununla bağlı aidiyyəti qurumlar istənilən vaxt büdcə ilə bağlı yoxlama apara bilər. Yadigar Əliyev hörmətli Prezidentimiz İlham Əliyevin sərəncamı və təhsil nazirinin əmri ilə rektor təyinatı alıb, şəxsən təntənəli şəkildə eks-nazir M.Mərdanov Yadigar Əliyevi Gəncə ictimaiyyətinə təqdim edib...
... Bir daha qeyd etmək istəyirik ki, Gəncə Dövlət Universitetində şəffaflığın təmin edilməsində rektor Yadigar Əliyevin fəaliyyəti göz önündədir, pedaqoji kollektiv və tələbələr tərəfindən alqışlanır”.
Professor-müəllim heyəti bəyan edib ki, universitetdə rüşvətin aradan qaldırılması son vaxtlarda, əlləri çirkli pullara öyrənmiş bəzi şəxslərin narahatlığına səbəb olub. Bunun nəticəsi olaraq, saytlarda müəllifi məlum olmayan yazılar dərc olunur.
”Saytlara dərc olunmaq üçün göndərilən, heç bir insanı və etik normalara sığmayan bu cür iftira və yalanlar kiminsə marağı xatirinə virtual məkana yol tapmışdır. Bu yalan və böhtanları Gəncə Dövlət Universitetinin bütün sağlam əqidə ilə düşünən kollektivinə qarşı yönəlmiş hesab edirik”.
Müraciət müəllifləri jurnalistləri həqiqəti yazmağa çağırıblar. Müraciəti aşağıdakı şəxslər imzalayıblar:
professor Həsənbala Sadıqov
professor Vaqif Novruzov
professor Şaiq Məmmədov
professor Telman Quliyev
dosent Elçin Cavadov
dosent Yaqub Cəfərov
dosent Niyazi Quliyev
dosent Şahin Xurşudov
dosent Zakir Zeynalov
dosent Emin Yaqubov
dosent Cabbar Qarayev
dosent Teymur İsmayılov
dosent İlqar Cabbarov
dosent Rasim Hüseynov
dosent Elxan İsmayılov
dosent Sabir Əliyev
dosent Bayram Apoyev
dosent İsfəndiyar Allahverdiyev
dosent Zakir Ələsgərov
dosent Cəfər İbrahimov
dosent Rizvan İmanov
dosent Mərdan Məmmədov
dosent İsax Mahmudov
baş müəllim Cavid Bağırzadə
baş müəllim Elman Məhərrəmov
baş müəllim İlham Məmmədov və başqaları
