“Biz həmin saytlarda yazılanları ciddi qəbul etmirik. Həmin saytların səviyyəsi göz qabağındadır”. Bunu Modern.az-a Vətəndaş Həmrəyliyi Partiyası (VHP) Siyasi Şurasının üzvü Samir Əsədli deyib. S.Əsədli son zamanlar Milli Şuranın mitinqində etdiyi çıxışa görə bəzi saytlarda haqqında mənfi yazıların dərcindən narahat deyil: “Nə yazırlar yazsınlar, hər şey qaydasındadır. Biz fəaliyyətimizi kiminsə istəklərinə uyğun qurmuruq. Bu, siyasətdir, siyasətdə də hər şey gözləniləndir. Fəaliyyətimi olduğu kimi davam etdirəcəyəm. Mətbuatda partiyaya basqıların olduğunu yazırlar. Məsələni bu cür təqdim etmək düzgün deyil”.
