İctimai Televiziyanın Analitik proqramlar departamentinin direktoru Füzuli İsmayılov işdən azad edilib və onunla yeni müqavilə imzalanmayıb. Bu barədə Modern.az-a İTV-dən verilən açıqlamada bildirilib.
F.İsmayılov departament direktoru olmaqla yanaşı, İTV-də “Yekun” analitik proqramının aparıcısı idi. Bundan başqa, F.İsmayılov həm də İTV-nin direktorlar Şurasının üzvü idi.
Artıq onun adı direktorlar şurasındakı siyahıdan da şıxarılıb.
F.İsmayılov 1996-cı ildən Azərbaycan Dövlət Radiosunda, 1998-ci ildən 2005-ci ilə kimi isə Azərbaycan Televiziyasında işləyib. 2005-ci ildən İctimai Televiziyada müxtəlif vəzifələrdə çalışıb. Tarix üzrə fəlsəfə doktorudur.
Modern.az