“TƏBİB-in tabeliyində 2 təcili tibbi yardım helikopteri var. AZAL-la müqaviləmizə uyğun olaraq onlar Heydər Əliyev adına hava limanında saxlanılır”.
Modern.az xəbər verir ki, bunu Təcili və Təxirəsalınmaz Tibbi Yardım Xidmətinin təkmilləşdirilməsinə dair brifinqdə TƏBİB-in İcraçı direktoru Vüqar Qurbanov bildirib.
O qeyd edib ki, lazım olduqda onlardan istifadə edilir: “Biz helikopterdən Vətən müharibəsi dövründə yaralıların daşınması üçün istifadə etmişik. Rayonlardan Bakıya helikopterlə çatdırılma yol infrastrukturunun yaxşı olmasını nəzərə alsaq, vaxt baxımından digər nəqliyyat vasitələrilə çatdırılma ilə eynidir. Ona görə də buna çox ehtiyac olmayıb. Ehtiyac olarsa, daim istifadə edə bilərik. Helikopter sayı optimal saydır”.
