Türkiyədə baş verən zəncirvari yol qəzasında 30 nəfər xəsarət alıb.
Modern.az Türkiyə mediasına istinadən xəbər verir ki, hadisə Afyonkarahisarın Emirdağ rayonunda baş verib.
Belə ki, Ankara istiqamətində hərəkət edən sərnişin avtobusu evakuator və minik avtomobili ilə toqquşub.
Qəzada yaralanan 30 sərnişin Afyonkarahisardakı müxtəlif xəstəxanalara aparılıb. Faktla bağlı araşdırmalara başlanılıb.
