Türkiyənin xarici işlər naziri Əhməd Davudoğlu və ABŞ-ın dövlət katibi Hliari Klinton arasında telefon danışığı olub. Modern.az türk mətbuatına istinadən xəbər verir ki, Rusiya prezidenti Dmitri Medvedevin Ankaraya rəsmi səfərindən sonra baş tutan telefon danışığında İranın nüvə problemi ilə yanaşı Dağlıq Qarabağ münaqişəsinin həlli mövzusuna da toxunulub.
ABŞ Dövlət Departamentinin rəsmi nümayəndəsi Filipp Krouli mətbuat üçün keçirdiyi brifinqdə bildirib ki, Klinton və Davutoğlu telefon danışığında Azərbaycan - Türkiyə münasibətlərinə də toxunublar. İranın nüvə problemindən danışarkən Krouli qeyd edib ki, Tehranın son bəyanatlarında yeni və cəsarətverici bir şey yoxdur.
