Yanvarın 13-də FİFA 2013-cü il üçün dünyanın ən yaxşı futbolçusunun adını açıqlayıb.
Modern.az xəbər verir ki, İsveçrənin Sürix şəhərindəki tədbirdə dünyanın ən yaxşı futbolçusunun seçilməsi üçün keçirilmiş səsvermənin yekun nəticəsi açıqlanıb. Və "Real" (Madrid) klubunun portuqaliyalı hücumçusu Kriştiano Ronaldo rəqibləri Frank Riberi və Lionel Messini geridə qoyaraq "Qızıl top"un sahibi olub.
Xatırladaq ki, bu mükafatı sonuncu dəfə L.Messi qazanmışdı.
Qeyd edək ki, Ronaldo 2013-ci ildə ümumilikdə 69 qol vurub. O, 2008-ci ildə də "Qızıl top"u qazanıb.
Modern.az