Ermənistan XİN Türkiyə ilə sərhədin açılmasını təkzib edib.
Modern.az-ın məlumatına görə, Nazirliyin mətbuat katibi Ani Badalyan bildirib ki Marqara sərhəd-keçid məntəqəsinin açılması ilə bağlı heç bir irəliləyiş yoxdur.
Ermənistan tərəfi bu məsələ ilə bağlı yenilik olduğu təqdirdə məlumat verəcəklərini açıqlayıb.
***
20:40
Ermənistanla Türkiyə sərhədində yerləşən “Marqara” keçid məntəqəsi martın 1-də açılacaq.
Modern.az xəbər verir ki, bu barədə “News.am” diplomatik mənbəyə istinadən məlumat yayıb.
Nəşrin məlumatına görə, Ermənistan tərəfdəki keçid məntəqəsində Milli Təhlükəsizlik Xidmətinin sərhədçiləri yerləşdiriləcək.
Qeyd edək ki, sərhəd-keçid məntəqəsinin fəaliyyətə başlamasının mümkünlüyü ilk dəfə 2024-cü ilin iyulunda iki ölkənin xüsusi nümayəndələri Ruben Rubinyan və Serdar Kılıç arasında keçid məntəqəsində baş tutan görüşdən sonra elan edilmişdi.
