“Ermənistanda və dünyada yaşayan ermənilər onsuz da Rusiya pasportu almaq istəyirlər. Təbii ki, ermənilərin fikrindən bütün Gürcüstanı işğal etmək keçir”.
Bu sözləri Modern.az saytına Gürcüstan parlamentinin azərbaycanlı deputatı Azər Süleymanov Cavaxetiya bölgəsinin Rusiyaya birləşməsi məsələsi ilə bağlı deyilənləri şərh edərkən bildirib. Onun sözlərinə görə, Gürcüstan dövləti burada yaşayan ermənilərin ərazi təxribatlarının reallaşmasına imkan verməyəcək. Deputat qeyd edib ki, Gürcüstan Abxaziya və Osetiyadan sonra Samsxe-Cavaxetiya bölgəsini heç cür itirmək istəməz: “Rusiya bu regionu da işğal etsə, Gürcüstanın suverenliyi təhlükə altına düşəcək. Ona görə də ermənilər Rusiyaya birləşməyi yalnız xəyal edə bilərlər”.
Aqşin Kərimov